اسلام آباد۔29نومبر(اے پی پی) پاکستان آکھیے او فلسطینی عوام نال یکجہتی دے جگ ݙیھاڑ تے انصاف، آزادی اتے وقار سانڳے فلسطینی عوام کیتے آپݨی غیر متزلزل یکجہتی تے حمایت دا اعادہ کریندے ۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے اساں فلسطینی عوام دے حق خود ارادیت اتے 1967 توں پہلے دی سرحداں تے مبنی فلسطین دی ھک آزاد ریاست ، جیں دا دارالحکومت القدس الشریف ہووے ،دے قیام سانڳے آپݨی مضبوط حمایت دا اعادہ کریندن ، انھاں آکھیے پاکستان لبنان اچ جن?? بندی دے اڄوکے معاہدے دا خیرمقدم کریندے تے سارے فریقاں توں اقوام متحدہ دی سلامتی کونسل دی قرارداد 1701 کوں مکمل طور ??ے برقرار رکھݨ تے ایں تے عملدرآمد کرݨ دا مطالبہ کریندے ترجمان آکھیے اساں لبنان دی خودمختاری، علاقائی سالمیت اتے استحکام دی حمایت کریندن ، انھاں متاثرہ لوکاں سانڳے انسانی امداد دی وختی لوڑھ ، بے گھر لوکاں دی محفوظ واپسی اتے جھیڑے توں متاثرہ علاقیں دی نویں سروں تعمیر اچ سہولت ݙیوݨ دا مطالبہ وی کیتے ۔ ترجمان آکھیے اساں سمجھدوں اے جن?? بندی کشیدگی کوں گھٹ کرݨ تے خطے اچ وسیع تر جھیڑے کوں روکݨ سانڳے ھک اہم قدم اے ۔ پاکستان کوں امید اے جن?? بندی دا معاہدہ غزہ دی پٹی اتے ٻئے مقبوضہ فلسطینی علاقیں اچ وختی تے غیر مشروط جن?? بندی، غزہ اچ نسل کشی مکاوݨ تے فلسطینی عوام سانڳے انسانی امداد دا مرحلہ طے کریسی۔
