سیالکوٹ۔12اکتوبر(اے پی پی) وزیر دفاع خواجہ محمد آصف آکھیے بانی پی ٹی آئی ہ??یش?? اپݨے مفادات کوں پاکستانی مفادات تے ترجیح ݙتی اے، پی ٹی آئی پاکستان دی ترقی دا رستہ روکݨ چاہندی اے ۔ اے ڳ??لھ انھاں سیالکوٹ کی??ٹ اچ اپݨی رہائش گاہ تے ھک پریس کانفرنس توں خطاب اچ آکھی ، انھاں آکھیے پی ٹی آئی اتے عمران خان دی کمٹمنٹ پاکستان نال نی صرف اقتدارنال اے کی??ں جو انھاں لوکاں سانڳے سارا کجھ اقتدار ہی اے، اساں کہیں صورت وی پی ٹی آئی توں بلیک میل نہ تھیسوں تے احتجاج دی آڑ اچ ملک اچ بد امنی و انتشار اتے انارکی کھنڈاوݨ دی کہیں کوں اصلوں اجازت نہ ݙیسوں ۔ پی ٹی آئی 15 تاریخ کوں ول دھرنے دی کال ݙتی اے جیڑھا جو انھاں دے شنگھائی تعاون تنظیم (ایس سی او )کانفرنس کوں ثبوتاژ کرݨ دی بھونڈی حرکت اے، پہلے وی 2014اچ انھاں چینی صدر دے دورے کوں منسوخ کرݨ سانڳے دھرنا ݙتا ہئی ، ہفتہ پہلے وی اے لوک ایویں کرچکن ، انھاں کوں صرف انتشار کھنڈاوݨ نال غرض اے ۔ نواز شریف کوں تاں جیل اچ ڳالھ نہ کرݨ ݙتی ویندی ہئی لیکن بانی پی ٹی آئی کوں تاں ساریاں سہولتاں ݙے رکھئن ، پاکستان دی سالمیت دے خلاف انھاں دے حملے ??ے بیان تے نوٹس کی??ں نی ڳھدا ڳیا ۔ وزیر دفاع آکھیے اے لوک ول 9 مئی دہراوݨ چاہندن ، 2014ء دے دھرنے ??ے بعد توں اے لوک ملک اچ انتشار اتے افراتفری کھنڈاوݨ دے درپے ہن اے لوک نی چاہندے جو عالمی سطح تے پاکستان دی عزت ہووے ، پاکستان کوں پذیرائی ملے ایہا وجہ اے جو آئے ݙینھ انتشار تے انارکی کھنڈاوݨ اچ لڳے رہندن ، انھاں آکھیے اساں پی ٹی آئی دے مذموم مقاصد کوں کہیں صورت کامیاب نہ تھیوݨ ݙیسوں تے ملکی سالمیت تے حملہ آور تھیوݨ آلیں دے خلاف ریاست دی پوری طاقت استعمال کریسوں تے ایں حملے کوں روکݨ سانڳے کہیں قسم دی کوئی رعایت نہ ݙتی ویسی کی??ں جو اساں کہیں صورت وی پاکستان تے حملے تے ایندی ساکھ کوں متاثر کرݨ دی اجازت نہ ݙیسوں اساں کیتے ساریں توں پہلے پاکستان اے۔
