اسلام آباد 09 اګست (اے پي پي) وزيراعظم محمد شهباز شريف وئيلي دي د پاکستان او ترکيه ترمېنځه تجارتي اړيكو ته وده وركولو غواړو ٬ دوه اړخيزه تجارتي حجم پنځه اربه ډالرو ته رسولو لپاره اقدامات ته پام لرنه كوو۔ د وزيراعظم آفس ميډيا ونګ لخوا د جاري بيان له مخې د دې خيالاتو څرګندونه ده د تركيه د تجارت او کسټمز وزير ډاکټر عمر بولات په مشرۍ كښې د تركيه د سرمايه كارو د لوړې كچې پلاوي سره كړې چا چې دوي سره د جمعې په ورځ ملاقات وكړو۔ په دې موقع وفاقي وزيران خواجه محمد آصف، محمد اورنګزيب، عبدالعليم خان، سردار اوېس لغاري او په ترکيه كښې د پاکستان سفير ډاکټر يوسف جنې هم موجود ٶه۔ د تركيه په پلاوي كښې د تجارت نائب وزير مصطفيٰ تزجو، د TOBB صدر رفعت حصار جِکليوعلو، د DEIK صدر نَيل اولپك، د ترکيه کنټريکټر ايسوسي ايشن صدر ايردال ايرن، د MUSIAD صدر محمود عصمالي، د TUMSIAD صدر يشار دوعان، د ASKON صدر اورحان آئيدن، د ترکيه د ايکسپورټر اسمبلۍ صدر اتيله يرليکايا او د ALBAYRAK هولډنګ چيئرمين احمت البيراك سره سره په پاکستان كښې د ترکيه سفير مهمت پاچاجي شامل وو۔ وزيراعظم د تركيه د سرمايه كارو د پلاوي د پاكستان په دوره كولو هركلے وكړو۔ ده ووئيل د ترکيه او پاکستان د اولس ترمېنځه د ورورولۍ مثالي اړيكې موجود دي كومې چې د پېړيو تاريخ لري٬ ترکيه او پاکستان يو قام او دوه رياستونه دي۔ وزيراعظم ووئيل د ترکيه صدر رجب طيب ايردوان سره د دواړو هېوادونو ترمېنځه تجارتي حجم د موجوده كچې نه زياتولو سره په كلنه توګه پنځه اربه ډالرو ته رسولو لپاره صلاح يوه شوې٬ په كلنه توګه تجارتي حجم 5 اربه ډالرو ته رسولو لپاره په ترجيحي بنيادونو كار كوٶ۔ وزيراعظم په دې مهال اړوندو چارواكو ته د تركيه سرمايه كارو ته په پاكستان كښې سرمايه كارۍ لپاره د هر ډول سهولت وركولو سپارښتنه وكړه ۔ وزيراعظم د تركيه صدر ته زر تر زره د پاكستان دورې د بلنې پخلي كولو سره ووئيل پاکستانے اولس د ترکيه صدر رجب طيب ايردوان د پاکستان دورې ته سترګې په لاره دے۔ د ترکيه د سرمايه کارو پلاوي دوره به په پاكستان كښې د تركيه په سرمايه كارۍ كښې اضافې لپاره خوشبينه وګرځي۔ په ملاقات كښې د تركيه د تجارت وزير ووئيل د تركيه د 54 سرمايه كارو كمپنو په پاكستان كښې د سرمايه كارۍ موجوده حجم 3.5 اربه ډالره دے ٬ دغسې په دې مهال د تركيه سرمايه كارو په پاكستان كښې په سياسي او معاشي استحکام د اطمينان څرګندونه وكړه٬ د تركيه پلاوي په كال 2023 كښې په زلزله كښې د پاكستان لخوا د تركيه د ځپلو وروڼو خوېندو په بشپړه مرسته كولو د وزيراعظم مننه وكړه۔
ترکيه سره تجارتي اړيكو ته وده وركولو غواړو٬ دوه اړخيزه تجارتي حجم پنځه اربه ډالرو ته رسولو لپاره اقدامات ته پام لرنه كوٶ: وزيراعظم شهباز شريف
مضمون کا ماخذ : الوہا کلسٹر ادائیگی کرتا ہے۔
متعلقہ مضامین
