اسلام آباد۔6ستمبر(اے پی پی) صدر مملکت آصف ع??ی زرداری ملکی سمندری حدود دے دفاع سانڳے تکڑی بحریہ دی لوڑھ تے زور ݙیندے آکھیے جو پاکستان دے جیو اکنامک مفادات دے تحفظ سانڳے پاک بحریہ کوں تکڑا بݨاوݨا ہوسی ۔ ایوان صدر دے پریس ونگ توں جاری بیان موجب صدر مملکت اے ڳالھ کراچی اچ پی این ایس بابر اتے حنین دی پاک بحریہ دے ٻیڑے اچ شمولیت دی تقریب توں خطاب اچ آکھی ۔ صدر پی این ایس بابر تے حنین دی پاکستان نیوی دے ٻیڑے اچ رلݨ دا خیر مقدم کریندے آکھیے ݙوہیں جہاز پاک بحریہ دی و??ھدی آپریشنل ذمہ واریاں پوریاں کرݨ اچ مدد ݙیسن ۔ صدر مملکت آکھیے پی این ایس بابر اتے حنین دی بحری ٻیڑے اچ شمولیت ملکی بحری دفاعی صلاحیتاں تکڑیاں کرݨ دے پاسے اہ?? کامیابی اے ، جہاز روایتی اتے غیر روایتی خطریں دا مقابلہ کرݨ اچ بحریہ دی آپریشنل تیاریاں اچ ودھارا کریسوں ۔ آصف ع??ی زرداری آکھیے جہاز ترکیہ نال ساݙی تکڑی یاری ، رومانیہ اچ ڈچ ڈیمین شپ یارڈ تے اعتماد دی علامت ہن ، جہازاں توں پاک بحریہ دی ملکی سمندری حدود دے دفاع دی صلاحیت اچ مزید ودھارا تھیسی ، انھاں میری ٹائم سکیورٹی، علاقائی استحکام ، سمندری رستیں دی حفاظت اچ پاک بحریہ دے کردار دی تعریف کیتی تے آکھیے پاک بحریہ بحری تجارت دے مسلسل ترسیل یقینی بݨیندی پئی اے ۔ صدر مملکت آکھیے پاک بحریہ ملک دی سمندری حدود دا دفاع کریندی پئی اے ، انھاں پاکستان دی خودمختاری ، امن، خوشحالی تے استحکام برقرار رکھݨ ، مادر ِوطن دا ہر قیمت تے دفاع کرݨ دے عزم دا اعادہ کریندے آکھیے یوم ِدفاع ا??ے شہداء اساکوں ساݙی مسلح افواج ا??ے شہریاں دے حوصلے، اتحاد اتے عزم دی یاد ݙویندے۔ صدر مملکت آکھیے مسلح افواج ا??ے شہریاں ٻاہرلی جارحیت دے خلاف قوم دا دفاع کیتے ، مادر وطن دے دفاع اچ جاناں دا نذرانہ پیش کرݨ آلے شہداءکوں زبردست خراج عقیدت پیش کریندوں ، انھاں پاکستان، ترکیہ تے ڈچ ڈیمین شپ یارڈ دی ٹیماں دا شکریہ ادا کیتے۔ صدر مملکت پی این ایس بابر اتے حنین دے کمانڈنگ آفیسرز اتے عملے کوں خصوصی مبارخ ݙتی تقریب توں چیف آف نیول سٹاف ایڈمرل نوید اشرف وی خطاب کیتا۔ انھاں آکھیے جہازاں دی پاک بحریہ دے ٻیڑے اچ شمولیت اہ?? سنگ میل اے۔ ایڈمرل نوید اشرف آکھیے بحری جہاز پاکستان ، ترکیہ اتے رومانیہ وچال گھاٹی یاری تے تعاون دے مظہر ہن۔ صدر مملکت ایں موقع تے بحری جہازاں دی سکرولز کمانڈر پاکستان فلیٹ دے حوالے کیتیاں
