اسلام آباد 25 اکتوبر (اے پي پي) نګران وزيراعظم انوار الحق کاکړ اړوندو چارواكو ته آزاد جمو و کشمير، کوئټه او سندھ كښې د برېښنا غلا مخنيوي هلو ځلو د لا ګړندۍ كولو امر سره وئيلې دي زمونږ ذمه واري ده چې د برېښنا د غلا مخنيوي كمپائن غوندې اقدامات د لارې راتلونكي جمهوري حكومت لپاره يو مستحكم نظام جوړ كړو٬ زرعي ټيوب وېلز د نمر په توان د منتقل كولو عمل دې هم ګړندے كړے شي، بلوچستان كښې د برېښنا غلا مخنيوي د كمپائن په ضد د مزاحمت او نورو مسئلو پحقله دې يو جامع رپورټ جوړ كړے شي۔ د شورو په ورځ د وزيراعظم آفس ميډيا ونګ لخوا د جاري خبر پاڼې له مخې د وزيراعظم انوار الحق کاکړ په مشرۍ كښې د برېښنا غلا مخنيوي په كمپائن كښې د پېشرفت جاج په اړه غونډه شوې٬ چې پكښې لند مهاله داخله وزير، د توان نګران وزير، د اطلاعات او خپرونو نګران وزير، صوبائي چيف سېکترانو او اړوندو وفاقي سېكترانو ګدون كولو۔ په غونډه كښې وزيراعظم له د كمپائن د پېل نه تر اوسه د ترلاسه نتيجو پحقله بريفنګ وركړے شو٬ دغسې غونډه د كمپائن د نتيجو د اعشارو نه خبر كړې شوه۔ غونډې ته ووئيل شول د كمپائن په مهال د برېښنا 19 زره 415 غلا ګر نيولي شوي او د ستمبر نه تر اوسه د برېښنا د غلو په ضد 39 زره 836 اېف آئي ار درج كړے شوي، په دې موقع د برېښنا په غلا كښې ككړ 189 سركاري اهلكار هم معطل كړے شوي٬ په مردان كښې كمپائن زيات كامياب ٶ او د برېښنا د غلا شرح د 43 نه 13 فيصده ته راغلې ده۔ غونډې ته ووئيل شول د كمپائن د پېل نه تر 30 سمتبر 14 اربه وصولي شوي ۔ اړوندو چارواكو د كمپائن په مهال د رامخې ته شوو مسئلو په اره هم وزيراعظم خبر كړو۔وزيراعظم انوار الحق کاکړ اړوندو چارواكو ته په آزاد جمو و کشمير، کوئټه او سندھ كښې د برېښنا غلا مخنيوي هلو ځلو د لا ګړندې كولو امر سره ووئيل زمونږ ذمه واري ده چې د برېښنا د غلا مخنيوي كمپائن غوندې اقدامات د لارې راتلونكي جمهوري حكومت لپاره يو مستحكم نظام جوړ كړو٬ زرعي ټيوب وېلز د نمر په توان د منتقل كولو عمل دې هم ګړندے كړے شي، ده ووئېل بلوچستان كښې د برېښنا غلا مخنيوي كمپائن په ضد د مزاحمت او نورو مسئلو پحقله دې يو جامع رپورټ وړاندې كړے شي
نګران وزيراعظم انوار الحق اړوندو چارواكو ته آزاد جمو و کشمير، کوئټه او سندھ كښې د برېښنا غلا مخنيوي هلو ځلو د لا ګړندۍ كولو امر وكړو
مضمون کا ماخذ : raspadinha آن لائن مفت
متعلقہ مضامین
