اسلام آباد ۔ 9 جنوری (اے پی پی) وفاقی وزیر ریلویز شیخ رشید احمد آکھیا جو پاکستان سانگے “2019” ٹیک آف داسال اے، پی ٹی آئی حکومت 20 فیصد وی ڈیلور کر گئی تاں عوام قبول کر گھنسن،نواز شریف اتے آصف زرداری دے ٹبر کوں پاکستان دی سیاست اچ نی ڈیکھدا پیا،جنہاں سیاستداناں عوام دا پیسہ لٹے او لٹی ہوئی دولت واپس گھن آون،ایں ویلھے جمہوریت سانگے عمران خان توں انج کوئی آپشن کائنی،ذاتی طور تے فوجی عدالتاں اچ توسیع دا حامی آں،فوجی عدالتاں پاروں ملک اچ دہشت گرداں کوں کیفر کردار تئیں پجایا ونج سگدے،شہباز شریف کوں چیئرمین پی اے سی بنڑاونڑ دے خلاف اعلیٰ عدالت ویساں۔او بدھ کوں قومی خبر رساں ادارے “اے پی پی” کوں ڈتے گئے خصوصی انٹرویو اچ گالھ مہاڑ کریندے پے ہن ۔انہاں آکھیا جو اپوزیشن کرنڑ سوکھی اتے حکومت کرنڑ اوکھا ہوندے،وزیراعظم عمران خان کوں کریڈٹ ویندے جو او اتنے کرائسز اچ وی محنت کریندے پن۔انہاں آکھیا جو سوشل میڈیا بہوں زبردست اے،ترقی کریندیں ہوئیں ایں میڈیا کوں ہینڈل کرنڑ سوکھا کم کائنی،لوڑھ ایں گالھ دی اے جو میڈیا ذمہ واری نال اگوں ودھے۔انہاں آکھیا جو وزیراعظم عمران خان دی قیادت اچ چیلنجز نال نبڑنڑ سانگے ڈینھ رات کم کریندے پیوں ،30مارچ تئیں بہوں معاملے ٹھیک تھی ویسن۔ہک سوال دے جواب اچ انہاں آکھیا جو بطور وزیرریلوے بلاول بھٹو زرداری کوں دعوت ڈینداں جو او ریل دے ذریعے پاکستان دی سیر کرن،اوں توں انج انہاں دے ابو دا سیاست اچ کوئی کم کائنی۔
وفاقی وزیر ریلوے شیخ رشید احمد دا ”اے پی پی“ کوں خصوصی انٹرویو
مضمون کا ماخذ : ایڈونچر کی کتاب
متعلقہ مضامین
