پينډۍ 28 جولائي (اے پي پي) حکومت او جماعت اسلامي د نيولې شوو کارمنانو په سمدستي توګه خوشې كولو ته صلاح شوې، حکومتي پلاوي كښې د اطلاعاتو وفاقي وزير عطاءالله تارړ، د كشمير چارو وفاقي وزير انجينئر امير مقام او د مسلم ليګ (ن) سينئر لارښود ډاکټر طارق فضل چوهدري شامل وو ٬ دغسې د جماعت اسلامي د اړخه د پلاوي مشري لياقت بلوچ كوله۔ جماعت اسلامي په مذاکراتو كښې خپل موقف وړاندې كړو او د مسئلو حل كولو خبرو اترو روان ساتلو ته سلا شول۔ د پينډۍ کمشنر آفس كښې د خبرو اترو نه پس ميډآا سره په خپلو خبرو كښې د اطلاعات وفاقي وزير عطاءالله تارړ ووئيل د حکومت درې كسيزه کمېټي تيره ورځ دھرنے ته ورتللو سره د جماعت اسلامي پلاوي له د خبرو اترو بلنه وركړې وه،نن د جماعت اسلامي مذاکراتي ډلي سره ملاقات كولو سره خبرې اتري وشوي، جماعت اسلامي د خپلو 35 کارمندانو فهرست راكړو كوم چې جنوبي پنجاب ضلعو كښې نيولې شوي، حکومت د دغه كارمندانو په سمدستي توګه د خوشې كولو اعلان كړې ۔ ده ووئيل دا زمونږ وژن دے چې هېواد مخ په وړاندې لاړ شي۔اولس له ريليف وركولو ته حكومت خاص پام لرنه كوي۔ده ووئيل تر 200 يونټ برېښنا كارونكو له وړاندې څخه پروټيکټډ او نان پروټيکټډ صارفينو له درې مياشتو لپاره 50 اربه روپۍ سبسډي وركړې شوي دغسې چې د هغوې د برېښنا بلونو كښې كمې وشي۔ده ووئيل كال 2018ء كښې غريبي څلور فيصده وه، مونږ ته چې په كوم حالاتو كښې حكومت ترلاسه شوې دا آسان کار نه ؤ ،هېواد ډيفالټ کيدو نه نزدې ؤ،مونږ هېواد د ډيفالټ كولو څخه بچ كړې ، آئي اېم اېف لوظنامه ترسره شوې ، اېف بي آر ډيجيټلائزيشن، نجکاري، محکمو ډاؤن سائزنګ او رائټ سائزنګ کيږي۔مونږ په دې پوهيږو چې خرڅونو كښې كمې ، نجکاري او اېف بي آر ډيجيټلائزيشن سره به فسکل سپيس پيدا شي او اولس ته به ريليف ترلاسه شي۔ اولس له ريليف وركولو له دې كار وركړې شي، سوكاله او خپلواكه پاکستان لپاره حكومت هر ممکن اقدامات كوي۔ ده ووئيل د ملګرو هېوادونو څخه به سرمايه کاري راځي ، د روزګار موقعې به زياتې شي،مونږ نړۍ ته وئيلي چې دلته پيداواري لګښت كم دے،دلته دې كارخانې ولګولې شي ، وګړو له دې د روزګار موقعې وركړې شي دې سره به سرمايه کاري زياته شي۔ده ووئيل د روپۍ قدر كښې استحکام د حکومت تر ټولو لوئ اقدام دے۔نړيوال مارکيټ كښې د تيلو بيعه كمه شي نو دلته به هم د تيلو په لړ كښې ريليف رامخې ته شي۔ وفاقي وزير ووئيل چې د اوبو او برېښنا وزير ، د توان سيکريټري ، اېف بي آر او خزانې وزارت په نمائندګانو مشتمل ټيکنيکل کمېټي جوړه شوې۔مونږ هڅې كوو چې د خبرو اترو په راروان دور كښې چارې په ښه ډول ترسره شي او د جماعت اسلامي کارمندان په عزت سره دلته څخه لاړ شي۔ده ووئيل مونږ ټول د پاكستان ښه والې غواړو او په دغه ايجنډا عمل كوو۔د يوې پوښتنې په ځواب ده ووئيل د جماعت اسلامي 10 مطالبات دي،په هغې به ټيکنيکل کمېټي خبره كوي۔ده ووئيل د جلسے لپاره د لياقت باغ تعين شوې ؤ، سړکونو بندولو سره اولس ستونزو سره مخ كېږي۔ وفاقي وزير ووئيل وزيراعظم سولر ټيوب ويلز منصوبه پيل كړي ، بلوچستان كښې 38 زره سولر ټيوب ويلز به لګولې شي ، پنجاب، سندھ او خېبر پښتونخوا حکومتونو سره په ګډه د بينکنګ فنانس د لارې ټيوب ويلونه په سولر منتقل کولو لپاره به اقدامات كولې شي۔ ميډيا سره په خپلو خبرو كښې د كشمير چارو وفاقي وزير انجينئر امير مقام ووئيل د جماعت اسلامي پلاوي سره په ښه چاپيرچل كښې خبرې اتري شوي،هغوي هغه ډيمانډز لري كوم چې مونږ ټول غواړو ، د پاکستان 24 کروړه اولس ئې غواړي چې برېښنا او پټرول آرزان وي او دا زمونږ خواهش دے چې اولس له ريليف وركړو۔مونږ د جماعت اسلامي اولس له د ريليف وركولو خواهش قدر کوو۔ده ووئيل د جماعت اسلامي زيات كارمندان وړاندې څخه خوشې كړې شوي ؤ، نن هغوې د 35 كارمندانو فهرست راكړې د كوم د خوشې كولو چې حکومت اعلان کړې دے۔
حکومت او جماعت اسلامي د نيولې شوو کاركنانو په سمدستي توګه خوشې كولو ته صلاح شول، زمونږ وژن دے چې پاکستان مخ په وړاندې لاړ شي ، وفاقي وزيرانو عطاءالله تارړ، انجينئر امير مقام او د مسلم ليګ (ن) لارښود ډاکټر طارق فضل چوهدري ميډيا سره خبرې اتري
مضمون کا ماخذ : خون چوسنے والے II
متعلقہ مضامین
