اسلام آباد۔21 اګست (اے پی پی) صدر مملکت ډاكټر عارف علوي سره د سعودي عربستان د حج او عمرې وزير ډاكټر توفيق بن فوزان ملاقات وكړو په كوم كښې چې صدر مملكت سعودي عربستان سره په بېلو څانګو كښې د دوه اړخيزه اړيكو لا پياوړې كولو په حاجت زور راوړو۔ د ايوان صدر پرېس ونګ لمخې په ملاقات كښې صدر مملكت ډاكټر عارف علوي ووئيل سعودی عربستان سره د معيشت ٬ سرمايه كارۍ او كلتور په څانګو كښې د همكارۍ زياتولو ته اړتيا ده۔ ده ووئيل پاكستان سعودي عربستان سره خپلو اړيكو ته د قدر په سترګه ګوري۔ صدر مملكت سعودي عربستان سره دوه اړخيزه تجارت ته د ودې وركولو په حاجت زور راوړلو سره ووئيل په پاكستان كښې د آئي ټي او د تجديد وړ توان په شمول بېلو څانګو كښې د سرمايه كارۍ پراخا موقعې موجود دي۔ صدر مملكت د روان كال په مهال د حج په غوره انتظاماتو كولو د سعودي عربستان حكومت مننه وكړه۔ صدر مملكت د او آئي سي د لارې د مهمو مسئلو په خاص توګه د كشمير ٬ فلسطين او افغانستان مسئلو په مستقل ملاتړ كولو د سعودي عربستان د مشرتابه ستائنه وكړه۔ ۔صدر مملکت ایران سره اړيكې د معمول لمخې په كولو د سعودي ولي عهد شهزاده محمد بن سلمان مشرتابه ستائلو سره ووئيل په اسلامي نړۍ كښې د سعودي ولي عهد مشرتابه د ستائنې وړ ده۔ د سعودي عربستان د حج او عمرې وزير ووئيل پاكستان او سعودي عربستان يو بل سره مضبوطې اړيكي لري٬ د دواړو روڼو هېوادونو شريكې ګټې له به دې اړيكو ته لا وده وركول وي۔ ده ووئيل سعودي عربستان به حج او عمره كوؤنكو ته لا زياتې آسانۍ وركوي۔ صدر مملكت سعودي وزير ته سعودي باچا او ولي عهد ته د نېكو هيلو رسولو هم ووئيل۔ صدر مملکت د پاکستان په پرله پسې ملاتړ او مالي مرسته كولو د سعودي عربستان مننه هم وكړه۔
صدر مملكت ډاكټر عارف علوي سره د سعودي وزير ډاكټر توفيق بن فوزان الربيعه ملاقات
مضمون کا ماخذ : dupla sena acumulada
متعلقہ مضامین
