اسلام آباد 29 مارچ (اے پی پی)صدر ډاكټر عارف علوي وئېلي دي پرمختګ كړو جمهوريتونو كښې په اتفاق حل لټولے كېږي٬جمهوري قوتونه چې خپل مينځ كښې جنګېږي نو د غېر جمهوري قوتونو كردار زياتېږي٬دا مهال د بحران صورتحال دے٬په دې مهال د عدالتي اصلاحات قانون راوړل مناسب وخت نه دے٬د هېواد په سياست كښې مې د پولرائزېشن او نښتو كمولو هڅه كړې خو كاميابه نه شوه٬نوې سرلښكر د عمران خان سره د ملاقات خبره نه ده كړې٬كه پاك پوځ د سياست نه ځان لرې غواړي نو سياستمدار دې د دې څخه ګټه پورته كړي٬هېواد او آئين بچ كول ډېر ضروري دي٬د چا وېډيو يا آډيو ليك كول غېر اخلاقي او غېر قانوني عمل دے٬اعزازات وركول د وفاق يا صوبو نه د صدر اختيار دے د كومې چې د ډېرې مودې نه خلاف ورزي كېږي٬د عمران خان په دور كښې هم دا معامله په ګوته كړے شوې وه۔هغه د شورو په شپه نجي ټي وي سره مركه كوله۔صدر ډاكټر عارف علوي ووئيل دا مهال د بحران صورتحال دے٬په دې كښې د عدالتي اصلاحات قانون راوړل مناسب وخت نه دے٬د دې بل ټائمنګ بهتر كېدے شو٬د دې بل ډرافټ لوستلو له د ايوان نه پس ما له راځي نو هغه مهال به ګورم چې په دې څه پريكړه وكړې شي٬ ده ووئېل زما هڅه به دا وي چې زما كردار د بحران حل كونكې وي٬ده ووئيل چې كله په انسان فشار راځي نو هغه پرېشانه كېږي٬د پي ټي آئي ليډر هم د فشار په وخت كښې څه الفاظ ادا كړې وو٬هغه الفاظ ادا كول پكار نه وو۔دغسې چې په ادارو فشار پريوځي په دې كښې كريكس راښكاره كېږي ٬د دې په وجه مونږ ګڼو چې په انسان دا ډول فشار اچول نه دي پكار٬ ده ووئېل دا كېفيت چې څنګه د انسانانو وي دغسې د ادارو وي۔ده ووئيل دا پريكړه به سپريم كورټ كوي چې الېكشن كمېشن آف پاكستان د ټاكنو نېټه بدلولې شي٬د نورو ادارو ترمينځه هم تقسيم نه دے پكار٬ ده ووئېل د مېډيا رپورټس له مخې ځينې ادارو د امنيت څخه معذرت كړے او ځينو وئېلې دي چې پيسې نه شو وركولې او ځينې وائي آر اوز نه شو وركولے۔د يوې پوښتنې په ځواب كښې ده ووئيل د پاكستان په آئين كښې د اسمبلو تحليل كولو نه پس د ټاكنو موده درج ده٬ذوالفقار علي بهټو هم د ټاكنو اعلان كړے ؤ ۔صدر مملكت ووئيل په ججانو هم مشكل وخت دے٬په خپل مينځ كښې اشتراك پېدا كړئ٬د خپل مينح معاملات چې بهر راځي نو په پريكړو خبرې كېږي۔ده ووئيل د تېرو څو مياشتو په مهال په پاكستان كښې د بشري حقونو سنګينې خلاف ورزۍ رامخې ته شوي٬ما وزيراعظم ته د بشري حقونو په اړه چې كوم خط ليكلے هغه په غلط تناظر كښې اخستلے شوے ٬ما په دې خط كښې 22-2021 په مهال د بشري حقونو د شوو خلاف ورزو خبره كړې حالانكه هغه د پي ټي آئي دور ؤ ٬ما وئېلي چې په دې څيزونو كښې ښه والے راوستل پكار دي٬زه د وزيراعظم په ځواب افسوس لرم۔ده ووئيل كه چرې د پي ټي آئي په دور كښې دا ډول پېښه وه نو ما به نيغ په نيغه د بشري حقونو وزير سره خبره كوله٬په دې دور كښې مې هم ډېر وضاحاتونه اوغوښتل او په دې ليول كومه خبره نه كېږي۔صدر ووئيل په آئين كښې درج دي چې وفاقي حكومت او صوبائي حكومت كومه تمغه نشي وركولې٬يواځې صدرمملكت تمغه وركولې شي٬د پي ټي آئي په دور كښې مې هم دا خبره په ګوته كړې وه ٬دا معامله د ايډوائس ده٬ ده ووئېل د عمران خان په حكومت كښې هم د ډېرو ايوارډونو خلاف ووم۔صدر مملكت ووئيل زما خواهش وړاندې هم دا وو چې پولرائزېشن كوم چې خطرناك دے دا دې كم كړے شي٬نښتې دې كمې شي خو زما هڅه كاميابه نه شوه۔ده ووئيل نوې آرمي چيف د عمران خان سره د ملاقات كومه هڅه نه ده كړې٬هغه سره د ملاقات په مهال د چارو په ښه والي خبره كېږي۔ده ووئيل كه چرې پاك پوځ د سياست نه لرې كېدل غواړي نو سياستمدار دې د دې څخه ګټه پورته كړي۔د يوې پوښتنې په ځواب كښې ده ووئيل په شمله لوظ نامه٬ د 1973 په آئين كښې د ذوالفقار علي بهټو ځانګړے كردار پاتې شوے٬د آئين طاقت اولس دے۔ده ووئيل د چا نااهلي د مسئلې حل نه دے ٬په كوم هم ګوند بندېز لګول نه دي پكار۔ده ووئيل د بېنظيربهټو نه پس هېواد د استحكام پلو بوتللو كرېډټ آصف علي زرداري لري٬هغه مهال هغه د پاكستان كهپے نعره وهلې وه ۔
پرمختګ كړو جمهوريتونو كښې په اتفاق حل لټولے كېږي٬كله چې جمهوري قوتونه خپل مينځ كښې جنګېږي نو د غېر جمهوري قوتونو كردار زياتېږي۔ د صدر مملكت ډاكټر عارف علوي نجي ټي وي سره مركه
مضمون کا ماخذ : میگا ملینز کے فاتحین
متعلقہ مضامین
.jpg)
