اسلام آباد۔19جولائی(اے پی پی) وزیراعظم شهباز شریف وئيلي دي چې د پاكستان او عمان اړيكې په ګډ تاريخ ٬ عقيده او كلتور اډانه دي، ده د پاكستان او عمان ترمينځه په بېلو څانګو په خاص توګه تجارت ٬ سرمايه كارۍ ٬ توان او دفاع كښې دوه اړخيزه مرسته لا پياوړې كولو كښې خوښي ښكاره كړې ده۔ د وزیراعظم آفس میډیا ونګ لخوا د جاري شوي پرېس ریلیز له مخې وزيراعظم شهباز شريف سره د سلطنت عمان سفير فهد سلېمان خلف الخروسي د جمعې په ورځ په وزيراعظم هاؤس كښې ملاقات وكړو۔ وزیراعظم د مسقط په وادي كبير ضلع كښې په علي بن ابي طالب امام بارګاه د شوي بزدلانه ترهګر بريد غندنه وكړه چې په نتيجه كښې يۍ د پاكستاني وګړو په شمول 6 كسان په حق رسېدلي او 30 څخه زيات ژوبل شوي كوم چې نزدې ټول پاكستاني وګړي وو۔ وزيراعظم په بريد كښې د شهيد شويو پاكستاني وګړو جسدونه هېواد ته بېرته رارسولو او د ژوبل شويو درملنو له د عمان حكومت لخوا پورته كړې شوې ګامونه او پاكستاني سفارت سره مرسته وستائله۔ وزیرِاعظم د ترهګرۍ په ستونزه قابو موندلو كښې عمان سره د مرستې كولو پېشكش وكړو۔ د ملاقات په مهال وزيراعظم سلطان هېثم بن طارق لپاره د نېكو هيلو څرګندونه وكړه۔ ده سلطان سره د لويې اختر او وړوكي اختر په موقعه د شويو ټېلېفوني خبرو ذكر هم وكړو۔ وزیراعظم سلطان هېثم بن طارق ته زر تر زره د پاكستان سركاري دورې كولو خپلې تېرې بلنې پخلې وكړو۔ وزيراعظم ووئيل د پاكستان او عمان اړيكې په ګډ تاريخ ٬ عقيده او كلتور اډانه دي، ده د پاكستان او عمان ترمينځه په بېلو څانګو په خاص توګه تجارت ٬ سرمايه كارۍ ٬ توان او دفاع كښې دوه اړخيزه مرسته لا پياوړې كولو كښې خوښي ښكاره كړه۔ وزیراعظم تجارت او سرمايه كارۍ كښې همكارۍ لپاره پلاوي ته راروانه اونۍ د پاكستان دورې كولو په ترغيب وركولو د سفير مننه وكړه او ده ته يۍ باور وركړو چې اړوند چارواكي به ګټورې نتيجې ترلاسه كولو له پلاوي سره بشپړه مرسته كوي۔ د عمان سفير د وزيراعظم مننه وكړه او د عمان سلطان لخوا يۍ ده لپاره د نېكو هيلو څرګندونه وكړه۔ ده د خپل هېواد پاكستان سره د تجارتي او سرمايه كارۍ اړيكې زياتولو كښې خوښي هم تكرار كړه
د پاكستان او عمان اړيكې په ګډ تاريخ ٬ عقيده او كلتور اډانه دي: وزيراعظم شهباز شريف
مضمون کا ماخذ : فروٹ شاپ
متعلقہ مضامین
